Kryeministri serb Gjuro Macut tha sot se Serbia tregoi shumë demokraci në fillim të vitit dhe se për shkak të kësaj, në një moment “anarkizmi pushtoi vendin”.
“Mendoj se demokracia në Serbi ishte vërtet e gjerë. Ajo qasje demokratike mund të ketë qenë e tepërt, pa forcë dhe shtrëngim në gjysmën e parë të vitit. Kjo mund t’i ketë inkurajuar njerëzit të hyjnë në një variant anarkist. Në një moment, anarkizmi pushtoi Serbinë, por ne po kthehemi në normalitet”, tha Macut.
Në një tubim kundër bllokadave në Pozharevac, duke komentuar incidentin para ndërtesës së Parlamentit në qendër të Beogradit, ai tha se institucionet nuk mund të tolerojnë mbajtjen e paautorizuar të armëve dhe sulmet në mes të qytetit.
“Nëse nuk ndani të njëjtin mendim, nuk duhet të përdorni armë zjarri, forcë e të ngjashme”, tha Macut.
Sipas tij, është e nevojshme të punohet për rritjen e tolerancës, pasi tensioni i madh po zien në shoqëri.