Të paktën 18 persona u vranë kur një aeroplan stërvitor i Forcave Ajrore të Bangladeshit u rrëzua në një kampus shkolle në kryeqytetin Daka, sipas shërbimit shtetëror të zjarrfikësve, raporton CNN.
Sipas raportimeve, 164 persona u plagosën. Një aeroplan stërvitor F-7 BGI i Forcave Ajrore të Bangladeshit u rrëzua menjëherë pas ngritjes në kampusin e Shkollës dhe Kolegjit Milestone në lagjen Utara të kryeqytetit, Daka.
Avioni u rrëzua në orën 13:06 sipas orës lokale, duke shkaktuar një zjarr të madh dhe panik midis studentëve që ishin në klasë ose duke dhënë provime në atë kohë. Midis të vdekurve janë piloti dhe disa studentë dhe mësues.
Piloti u identifikua si Toger Toukir Islam. Siç u tha, ai nuk arriti të katapultohej për shkak të gjatësisë së tij të ulët. Ai vdiq në spital.
Nga 164 personat e plagosur, shumë janë në gjendje të rëndë dhe janë transferuar në spitalet aty pranë.
Ushtria dhe zjarrfikësit reaguan shpejt. Qeveria e Bangladeshit shpalli të nesërmen, 22 korrik, një ditë zie dhe u njoftua një hetim i detajuar për shkakun e aksidentit.
Ky është aksidenti më vdekjeprurës ajror në kryeqytetin e Bangladeshit në historinë e kohëve të fundit.
Sipas mediave lokale, shumica e të plagosurve janë studentë. Të afërmit nxituan në vendin e aksidentit të tmerruar, ndërsa ekipet e shpëtimit – duke përdorur riksha me tre rrota dhe çfarëdo që kishin në dispozicion – transportuan të plagosurit në spitalet lokale.
Rafika Taha, një studente që nuk ishte në shkollë në kohën e aksidentit, i tha Associated Press në telefon se shkolla ka rreth 2,000 nxënës dhe jep mësim nga shkolla fillore deri në të dymbëdhjetë.
Aksident fatal në Bangladesh: Avioni ushtarak përplaset në kampusin e shkollës
