Banka Evropiane për Rindërtim dhe Zhvillim (BERZH) do të mbështesë ndërtimin dhe elektrifikimin e hekurudhës Durres-Rogozinë, pjesë e Korridorit 8, duke i dhënë Shqipërisë një kredi prej 30 milionë eurosh.
“Kjo është një kredi shtesë për 30 milionë euro nga Banka Evropiane e Investimeve (BEI) dhe 60 milionë euro në grante investimi dhe asistencë teknike nga BE përmes Kornizës së Investimeve për Ballkanin Perëndimor, të cilat u nënshkruan në prill të këtij viti. Fondi total i ndërhyrjes në këtë segment hekurudhor është 120.5 milionë euro, raportoi abcnews.al.
Projekti strategjik parashikon rehabilitimin, zgjerimin dhe elektrifikimin e afërsisht 34 km linjë hekurudhore midis qytetit portual të Durresit dhe Rogozinës në Shqipëri, duke përfshirë rindërtimin e ambienteve të stacionit hekurudhor.
Sapo të përfundojë ky projekt, trenat do të jenë në gjendje të lëvizin me shpejtësi deri në 120 km/orë. Kjo shënon një hap të rëndësishëm në përpjekjet e Shqipërisë për të modernizuar rrjetin e saj hekurudhor, për të përmirësuar lidhjen rajonale dhe për t’u përputhur me standardet e transportit dhe mjedisit të BE-së.