Në mesin e korrikut, pothuajse pesë ton kokainë u sekuestruan në ujërat e Martinikës në Detin e Karaibeve, rreth 450 kilometra në verilindje të bregdetit të Amerikës së Jugut.
Në bord kishte 11 persona, kryesisht nga Kroacia dhe Mali i Zi, por midis tyre ishte edhe një nga Serbia, V. Đ. (41), i cili u arrestua dhe u mbajt në paraburgim, njoftoi Ministria e Punëve të Brendshme e Republikës së Serbisë.
“Ekziston dyshimi se ky sekuestrim kokaine lidhet me vrasjen e trefishtë të kohëve të fundit në Bolivi të anëtarëve të ‘Kartelit Ballkanik’, shtetas të Serbisë, Maqedonisë së Veriut dhe Kroacisë” – thuhet në njoftim.
Opinioni publik u njoftua se bëhet fjalë për likuidimin e tre personave, trupat e të cilëve u gjetën në Bolivi të martën e kaluar, dhe Jutarnji list shkroi se midis të vrarëve ishte edhe kroati Marco Skerbec (33), një banor i Rijekës i cili u zhduk në Bolivi.
Zyrtarët e policisë boliviane njoftuan se hetuesit ende po përpiqen të përcaktojnë nëse ekziston një lidhje midis likuidimit të Miljan Gjeki[it (38) nga Nishi dhe Vanja Milosheviqit dhe vrasjes së një qytetari të Maqedonisë së Veriut, Dejanco Lazarevski (43), me dy rrëmbime, përfshirë rrëmbimin e Marko Skerbec, një anëtar i degës sllovene të klanit Kavac, që ndodhi në qytetin e Santa Cruz.
Në të njëjtën kohë, Angel Morales, drejtor i Forcave Speciale për Luftimin e Trafikimit të Drogës (FELCN), përjashtoi mundësinë që rrëmbyesit në Santa Cruz të ishin pjesë e forcës policore, edhe pse mbanin veshur uniforma policie.
“Uniformat tona nuk kanë shenja identifikimi, kështu që është e qartë se uniformat e veshura nga rrëmbyesit nuk i përkasin FELCN. Rrëmbyesit nuk janë identifikuar, por unë deklarova me besueshmëri dhe objektivitet se ata nuk janë oficerë të FELCN” , tha Morales, transmeton Kurir.
Ai shtoi se Forcat Speciale për luftën kundër krimit tashmë janë akuzuar për krimin e shpërdorimit të detyrës.
“Të dyshuarit që rrëmbyen dy persona nuk janë oficerë të FELCN-së. Me sa duket, rrëmbyesit mbanin uniforma të ngjashme me ato që mbanin anëtarët e FELCN-së, me jelekë të verdhë. Veprimet hetimore kryhen nga FELCC, sepse një raport i është paraqitur kësaj agjencie dhe ajo që duhet të bëjmë është të konsolidojmë punën tonë hetimore për të gjetur këta persona” – shpjegoi Kolonel Morales.