Këngëtari i grupit “Black Sabbath”, legjendari Ozzy Osbourne, ka vdekur në moshën 76 vjeç, njoftoi familja e tij.
“Me trishtim dhe mungesë fjalësh njoftojmë se Ozzy Osbourne ynë i respektuar dhe i dashur ndërroi jetë këtë mëngjes. Ai ishte me familjen e tij dhe i rrethuar nga dashuria”, thuhej në deklaratën e familjes së tij.
Ozzy Osbourne është një legjendë muzikore. Ai u bë i famshëm si themelues dhe anëtar i “Black Sabbath” që nga viti 1968.
“Black Sabbath” është një nga grupet pioniere të heavy metal, dhe ata janë krijuesit e hiteve të famshme “Paranoid”, “War Pigs” dhe “Iron Man”.
Osbourne u largua nga grupi në vitin 1979 pas një mosmarrëveshjeje me anëtarët e tjerë, dhe vazhdoi me një karrierë solo, në të cilën prodhoi mbi një duzinë albumesh.
Në vitet 2000, Ozzy dhe familja e tij u bënë gjithashtu të njohur në ekranet televizive pas reality show “The Osbournes”.
Ky shfaqje kapi jetën kaotike të Osbournes në Los Angeles, ku e gjithë familja ishte e përfshirë, e udhëhequr nga gruaja e tij Sharon, vajza Kelly dhe djali Jack.
