Në qendër të Mali Lošinj, të hënën kalimtarët patën mundësi të shihnin një nga fytyrat më të njohura të politikës botërore të viteve 1990, shkruan “Novi List”.
Ish-presidenti amerikan Bill Clinton, i shoqëruar nga familja dhe sigurimi i tij, eci përgjatë shëtitores. Ai mbante një kapelë me simbolet e Lojërave Olimpike që do të mbahen në Los Angeles pas tre vitesh.
Vizitorët në kafenetë e shumta në bregdet e shikonin me habi politikanin e famshëm që udhëhoqi fuqinë më të madhe në botë për dy mandate (midis viteve 1993 dhe 2001). Nuk dihet nëse edhe bashkëshortja e tij, Hillary Clinton, e cila ishte kandidatja demokrate për presidente në zgjedhjet e vitit 2016, por humbi zgjedhjet ndaj Donald Trump, ka mbërritur në Kroaci.
Që kur u largua nga Shtëpia e Bardhë, Klinton i ka siguruar stabilitet financiar familjes së tij falë tarifave fitimprurëse për fjalime, punës konsulente dhe të ardhurave nga autobiografia e tij, “Jeta ime”, e cila u botua në vitin 2004.