Kryeministrja daneze Mette Frederiksen njoftoi se qeveria planifikon të ndalojë përdorimin e rrjeteve sociale për personat nën moshën 15 vjeç, duke argumentuar se “telefonat celularë dhe rrjetet po ua vjedhin fëmijërinë”.
Ajo vuri në dukje se 60% e djemve të moshës 11 deri në 19 vjeç preferojnë të qëndrojnë në shtëpi sesa të dalin me miqtë, dhe pothuajse të gjithë nxënësit e moshës 13 dhe 14 vjeç kanë tashmë një telefon celular.
Ligji ende nuk ka një afat të caktuar, por do t’u lejojë prindërve të japin pëlqimin për përdorimin e rrjeteve që nga mosha 13 vjeç.
Iniciativa të ngjashme ekzistojnë tashmë në Australi dhe në disa vende të BE-së, përfshirë Francën, Spanjën dhe Greqinë. Franca miratoi një ndalim të ngjashëm në vitin 2023, i cili ende nuk është zbatuar plotësisht.