Google ka pranuar se sistemi i tij i paralajmërimit të hershëm për tërmetet nuk arriti t’i paralajmërojë njerëzit gjatë një tërmeti vdekjeprurës në Turqi në vitin 2023.
Dhjetë milionë njerëz brenda një rrezeje prej 150 kilometrash nga epiqendra ishin në gjendje të merrnin alarmin e nivelit më të lartë të Google, duke u dhënë atyre deri në 35 sekonda për të shkuar në vend të sigurt, njofton BBC.
Në vend të kësaj, vetëm 469 paralajmërime për të “ndërmarrë veprime” u dërguan për tërmetin e parë me magnitudë 7.8.
Google tha se gjysmë milioni njerëz morën një paralajmërim të nivelit më të ulët, të destinuar për “dridhje më të lehta” dhe se nuk i alarmon përdoruesit në të njëjtën mënyrë alarmuese.
Gjigandi i teknologjisë i tha më parë BBC-së se sistemi “pati një performancë të mirë”.