Arkitekti me famë botërore Bajram Vardar do të hartojë planin arkitektonik master për zhvillimin e Çairit, njoftoi Izet Medziti, kandidat për kryetar të Çairit.
Në profilin në Facebook, Izet Mexhti ka prezantuar arkitektin e famshëm nga Turqia, i cili do të jetë pjesë e rrethit të ngushtë të bashkëpunëtorëve që tashmë po punojnë në konceptin e ri për zhvillimin urban të Komunës së Çairit.
Në videon e bisedës me Mexhitin, Vardar thotë: “Ngjashëm me Stambollin ose Bursën, sfidat këtu në Çair janë të ngjashme. Kemi qenë edhe në Barcelonë, dhe ai qytet i është nënshtruar rinovimit. Do të zhvillojmë një plan master për Çairin, së bashku me qytetarët, dhe gjithashtu do të zhvillojmë një plan zbatimi. Pastaj do të zhvillojmë shtyllat e këtij plani master.”
Arkitekti Bayram Vardar ishte pjesë e ekipit të Rexhep Tajip Erdogan gjatë periudhës kur ai ishte kryetar i Stambollit, dhe ishte planifikuesi kryesor urban i qytetit të Bursës, duke ndikuar kështu drejtpërdrejt në zhvillimin urban të këtyre dy qyteteve me një popullsi prej miliona banorësh.
Bajram Vardari me origjinë është shqiptar nga Shkupi./GazetaFAKTI
VIDEO:
https://www.facebook.com/izetmexhiti/videos/1478027246684459
VIDEO:
https://www.facebook.com/izetmexhiti/videos/2718350658512016