Orhan Murtezani, ministri i Çështjeve Evropiane, nuk ishte në Bruksel të martën gjatë takimit midis Kryeministrit Hristijan Mickoski dhe Presidentit të Këshillit Evropian, Antonio Costa. Në anën tjetër të tryezës, përveç Kryeministrit, ishte Ministri i Punëve të Jashtme, Timço Mucunski, dhe këshilltari i Mickoskit për çështjet e politikës së jashtme, Sasho Markovski. Ministri përgjegjës për çështjet evropiane të Maqedonisë, Orhan Murtezani, nuk ishte në tryezë, shkruan nezavisen.mk
Të enjten, kur ambasadori i BE-së, Michalis Rokas, erdhi në qeveri për t’ia dorëzuar Raportin e Komisionit Evropian Kryeministrit Mickoski, Murtezani nuk ishte përsëri aty. Ministri Mucunski dhe këshilltari Markovski ishin përsëri në sallë me Kryeministrin, por jo edhe Murtezani.
Publiku politik tashmë po pyet pse ministri kompetent për integrimin evropian nuk është aty kur bëhet fjalë për afrimin e Maqedonisë me BE-në, shkruan nezavisen.mk.
Ndërkaq, vitin e kaluar, kur Rokas po dorëzonte raportin, ishin Murtezani dhe ambasadori ata që mbajtën një konferencë për shtyp mbi progresin e Maqedonisë. Në atë kohë, Murtezani tha se Ministria e Çështjeve Evropiane kishte bërë gjithashtu një analizë fillestare të vlerësimeve të KE-së në raport dhe “kualifikimi më i thjeshtë është se ka përparim, domethënë një trend të lehtë në rritje”.
Çfarë analize i ka bërë Ministria raportit të këtij viti të Komisionit Evropian, të paktën për momentin, nuk dimë asgjë, pyet nezavisen.mk.