Rreth njëqind zjarrfikës janë përpjekur të shuajnë një zjarr të madh që shpërtheu pak pas orës tre të mëngjesit në një ndërtesë nëntëkatëshe në lagjen White City të Londrës, njoftuan autoritetet britanike.
Pesëmbëdhjetë makina zjarrfikëse janë gjithashtu në terren, dhe sipas informacionit nga Brigada e Zjarrfikësve të Londrës, zjarri ka përfshirë katet pranë majës së ndërtesës, raporton Sky News.
Bëhet fjalë për ish-qendrën televizive BBC, e cila ishte selia e transmetuesit publik deri në vitin 2013.
Për shkak të ndërhyrjes, rrugët përreth u mbyllën për trafikun, dhe qytetarëve iu bë apel të shmangnin zonën.
Thirrjet e para për zjarrin u morën pak pas orës tre të mëngjesit sipas orës lokale, pas së cilës ekipe nga disa stacione zjarrfikëse u dërguan urgjentisht në vendngjarje.