Lista e Shangait bën vlerësimin e universiteteve sipas gjashtë kritereve: numri i fituesve të Çmimit Nobel dhe Medaljes Fields, punimet e botuara në revistat kryesore shkencore “Nature” dhe “Science”, studiuesit shumë të cituar, numri i botimeve shkencore të indeksuara dhe performanca për frymë. Sipas këtyre treguesve, universitetet maqedonase janë larg konkurrencës globale.
Ministria e Arsimit dhe Shkencës e Maqedonisë njofton reforma themelore, rritje të fondeve dhe inkurajim të produktivitetit shkencor.
Nga rajoni, më i rendituri është Universiteti i Beogradit, i cili renditet në vendin 401-500. Universiteti i Lubjanës, renditet në vendin 501-600 në listë. Katër universitete greke janë në listë, nga të cilat më të renditurit janë Universiteti Aristoteli i Selanikut dhe Universiteti Kombëtar dhe Kapodistrian i Athinës, të cilët renditen nga 501-600. Universiteti i Zagrebit, Kroaci, pozicionohet nga 601-700 në listë.
Nga vendet e rajonit, universitetet nga Bullgaria, Shqipëria, Kosova, Mali i Zi dhe Bosnja dhe Hercegovina gjithashtu mungojnë në listën e Shangait.