Në vitin 2024, Blaise Metreveli u nderua me titullin Shoqërues i Urdhrit të Shën Mikelit dhe Shën Gjergjit, si pjesë e nderimeve të ditëlindjes së Mbretit, për kontributin e saj në politikën e jashtme britanike.
Për herë të parë në historinë e saj 116-vjeçare, shërbimi britanik i inteligjencës së jashtme MI6 do të ketë një grua në krye të tij – Blaise Metrevelli është emëruar në atë pozicion.
Metreveli iu bashkua MI6 në vitin 1999 dhe vitin e ardhshëm do të marrë detyrën nga drejtori në largim, Sir Richard Moore, duke u bërë kreu i 18-të i agjencisë, njoftoi BBC.
Aktualisht ajo drejton njësinë për teknologjinë dhe inovacionin brenda kornizës së MI6 dhe me rastin e emërimit ajo deklaroi se ndihet “krenare dhe nder”.
Kryeministri i Britanisë së Madhe, Keir Starmer, e përshëndeti emërimin e saj si një moment historik për vendin.
Kush është Blaise Metrevelli?
Blaise Florence Metreveli ka origjinë gjeorgjiane. Studioi antropologji në Kolegjin Pembroke në Universitetin e Kembrixhit. Në vitin 1997, ajo ishte pjesë e ekuipazhit që fitoi Garën e Varkave të Grave.
Në vitin 1999, ajo iu bashkua MI6 si agjente operative, raportoi NDTV.
Një pjesë e madhe e karrierës së saj e kaloi në terren, duke punuar në detyra operacionale në Lindjen e Mesme dhe Evropë. Gjatë viteve, ajo kreu një gamë të gjerë rolesh brenda MI6.
Ajo gjithashtu mbajti një pozicion drejtues në MI5 – agjencia e inteligjencës së brendshme e Mbretërisë së Bashkuar.
Podocna u emërua Drejtoreshë e Përgjithshme për Teknologjinë dhe Inovacionin në MI6. Në vitin 2024, asaj iu dha titulli Shoqërues i Urdhrit të Shën Mikelit dhe Shën Gjergjit (CMG), si pjesë e nderimeve të ditëlindjes së Mbretit, për kontributin e saj në politikën e jashtme britanike.
“Një mendimtare e shquar teknologjike dhe e ardhmja e inteligjencës britanike”
- Me një përvojë të pasur nga i gjithë komuniteti ynë i sigurisë kombëtare, Blaze është kandidati ideal për të udhëhequr MI6 në të ardhmen – tha Ministri i Jashtëm Britanik David Lammy, raportoi Livemint.
Në një kohë paqëndrueshmërie globale dhe kërcënimesh të reja për sigurinë, shtoi ai, kur teknologjia është e fuqishme dhe kundërshtarët tanë po bëhen më të individualizuar dhe po bashkëpunojnë më ngushtë, Blaze do t’i mundësojë Britanisë së Madhe të përballet me këto sfida drejtpërdrejt, duke e mbajtur kështu Britaninë të sigurt brenda dhe jashtë vendit.
Metrevelli do të jetë kreu i 18-të i MI6, duke marrë detyrën nga Richard Moore.
- Jam absolutisht i gëzuar për shkak të këtij emërimi historik të kolegut tim, Blaise Metrevelli, për të më zëvendësuar si “C”. Blaze është një oficer dhe udhëheqës i inteligjencës me reputacion të lartë, dhe një nga mendimtarët tanë më të shquar të teknologjisë. Me padurim ju përshëndes si kreu i parë femër i MI6 – tha ish-shefi në largim.
Çfarë është Shërbimi Sekret i Inteligjencës MI6?
MI6, i njohur edhe si Shërbimi Sekret i Inteligjencës, është i ngarkuar me mbledhjen e informacionit jashtë vendit me qëllim mbrojtjen e sigurisë kombëtare.
E themeluar në vitin 1909, ajo punon fshehurazi në të gjithë botën dhe raporton në Ministrinë e Punëve të Jashtme. Agjencia përqendrohet në kërcënime të tilla si terrorizmi, sulmet kibernetike dhe shtetet armiqësore. Shefi i saj “C” (“C”) është i vetmi oficer i emëruar publikisht. Ndryshe nga MI5, e cila merret me inteligjencën e brendshme, MI6 punon ekskluzivisht jashtë vendit.
Por pse titulli quhet “C”? Agjencia e parë e inteligjencës në Britani, Byroja e Shërbimit Sekret, u themelua në vitet 1900. Kapiteni Mansfield Cumming i Marinës Mbretërore, i cili drejtonte shërbimin, thuhet se gjithmonë i nënshkruante letrat e tij me shkronjën “C” dhe kështu lindi emri i koduar.
Në rolin e saj aktual, Metreveli është përgjegjëse për zhvillimin e zgjidhjeve teknologjike që mbrojnë anonimitetin e agjentëve dhe i parandalojnë ata nga përpjekjet e mbikëqyrjes dhe gjurmimit, veçanërisht nga vende të tilla si Kina.
Jam krenare dhe e nderuar që më është besuar udhëheqja e Shërbimit. MI6 ka një rol kyç, së bashku me MI5 dhe Selinë e Komunikimeve Qeveritare (GCHQ), në mbajtjen e popullit britanik të sigurt dhe promovimin e interesave britanike jashtë vendit. Pres me padurim të vazhdoj këtë punë së bashku me oficerët dhe agjentët e guximshëm të MI6 dhe me partnerët tanë të shumtë ndërkombëtarë – tha Metreveli.