Një Porche 356 A Carrera GT/GT Lightweight Coupe i vitit 1957 do të dalë në ankandin Broad Arrow muajin e ardhshëm në Monterey Jet Center, sipas Robb Report.
Shtatë vjet pasi Porsche prezantoi modelin 356, i cili kishte një motor Volkswagen 1.1 litërsh me katër cilindra bokser me 34 kf, u lançua versioni 356 A, një makinë garash e lehtë.
U prodhuan gjithsej 75,000 makina 356, por vetëm 26 prej tyre ishin makina garash të lehta, duke e bërë modelin e nxjerrë në ankand një propozim veçanërisht tërheqës për koleksionistët e vërtetë.
Ky është një Porsche i prodhuar në fabrikë, gati për gara, që krahasohet më së afërmi me Jaguar E-Type të lehtë. Ai fuqizohet nga një motor Fuhrmann me katër cilindra që prodhon 110 kuaj fuqi.
Makina filloi një restaurim tre-vjeçar në vitin 2018. Historia e saj e garave tregon se shasia u shfaq për herë të parë në një garë në Virxhinia në gusht të vitit 1957.
Pas timonit ishte “dentisti fluturues”, dr. Dick Thompson nën flamurin e Hoffman Motors. Maserati fitoi garën. Kjo Porche vazhdoi të garonte dhe rezultati më i mirë që arriti deri në fund të atij viti ishte vendi i tretë.
Këto makina të lehta, të zhveshura nga të gjitha ekstravagancat e brendshme për t’i bërë sa më të lehta të ishte e mundur, u garuan me egërsi dhe shumë prej tyre u shkatërruan.
Makina që po shitet në ankand nuk ka pasur aksidente të rëndësishme, ruan karrocerinë e saj origjinale dhe motorin kompleks delikat me katër boshte me kamë, gjë që është e pabesueshme. Porche, 68 vjeç, vlerësohet në 1.2 milion dollarë.