Shtetet e Bashkuara kanë vendosur të heqin sanksionet ndaj disa individëve nga Republika Srpska, gjë që lidhet me një marrëveshje jozyrtare midis Milorad Dodik dhe administratës së re amerikane. Sanksionet u hoqën për Milorad Dodik, Zheljka Cvijanoviç, familjen Dodik, kompanitë e tyre dhe shumë bashkëpunëtorë të tjerë të ngushtë.
Të premten, më 17 tetor, Shtetet e Bashkuara hoqën sanksionet ndaj katër bashkëpunëtorëve të ngushtë të Dodik, të cilët fillimisht ishin në listën e zezë për organizimin dhe promovimin e “Ditës së RS”-së jokushtetuese. Ata janë Jelena Pajić Baštinac, Danijela Dragičević, Goran Raković dhe Dijana Milanković.
Burime jozyrtare pohojnë se heqja e sanksioneve është rezultat i një marrëveshjeje midis Shteteve të Bashkuara dhe Dodik, sipas së cilës Dodik duhej të linte postin e Presidentit të RS pas vendimit përfundimtar dhe të emëronte një president në detyrë.
Pasi Ana Trishiç-Babiç u zgjodh presidente e përkohshme e Republika Srpska, duke përmbushur atë pjesë të marrëveshjes, Amerika ka hequr gradualisht sanksionet ndaj bashkëpunëtorëve të tjerë të Dodik, dhe ky proces duhet të përfundojë deri në fund të këtij muaji.