Të premten, Sllovenia legalizoi vetëvrasjen e asistuar, të cilën qytetarët e mbështetën në referendumin e vitit të kaluar. Parlamenti e miratoi ligjin me 50 vota “pro” dhe 34 “kundër”, me tre deputetë që abstenuan, raporton Hina.
Ligji u jep të drejtën pacientëve të vetëdijshëm që vuajnë nga sëmundje të pashërueshme dhe vuajtja ose gjendja shëndetësore e të cilëve është e padurueshme t’i japin fund jetës së tyre, përveç në rastin e sëmundjeve mendore.
Do të jetë i zbatueshëm edhe në rastet kur trajtimi nuk pritet të rezultojë në shërim ose përmirësim të gjendjes shëndetësore të pacientit. Të gjitha opsionet e trajtimit mjekësor do të duhet të shterohen së pari.
E drejta nuk do të jetë në gjendje të ushtrohet në rastet e vuajtjeve të padurueshme që vijnë si pasojë e sëmundjes mendore. Eutanazia, ose vdekja nga duart e një kujdestari me kërkesë të një pacienti, mbetet e ndaluar.
Në një referendum vitin e kaluar, 55 përqind e votuesve mbështetën të drejtën për vetëvrasje të asistuar.
Zvicra dhe Austria e kanë lejuar tashmë. Holanda, Belgjika dhe Luksemburgu e kanë legalizuar eutanazinë./GazetaFAKTI