Liqeni Ohrit është i vjetër më shumë se një milion vjet. Arkeologët pohojnë se në anën shqiptare të Liqenit të Ohrit, ata zbuluan prova për vendbanimin më të vjetër njerëzor në një liqen evropian – që supozohet se është deri në tetë mijë vjet.
Një ekip shkencëtarësh nga Zvicra dhe Shqipëria kalojnë tre orë nën ujë çdo ditë, duke hequr me shumë mundim shtyllat prej druri që dikur mbështesnin shtëpitë e tyre, raporton “Reuters”.
Në terren gjenden gjithashtu kocka nga kafshë shtëpiake dhe të egra, objekte të bëra prej bakri dhe qeramikë me gdhendje të saktë.
Albert Hafner nga Universiteti i Bernës deklaroi se vendbanime të ngjashme u gjetën në rajonet alpine dhe mesdhetare, por se vendbanimi në Linin shqiptar është gjysmë mijëvjeçari më i vjetër – ai daton nga periudha midis gjashtë dhe tetë mijë vjet para erës sonë.
“Materiali organik është i ruajtur mirë sepse është nën ujë, gjë që nuk na lejon të zbulojmë se çfarë kanë ngrënë ata njerëz, çfarë kanë mbjellë”, thotë Hafner.
Disa studime konfirmojnë se Liqeni i Ohrit, i cili shtrihet midis Maqedonisë dhe Shqipërisë, është liqeni më i vjetër në Evropë — mbi një milion vjeç./ GazetaFAKTI