“Ose Evropa do të fillojë të ketë familje të mëdha ose do të vazhdojë të vdesë”, shkroi Musk.
Shkalla e fertilitetit është një koeficient që tregon numrin e fëmijëve të lindur për grua gjatë periudhës pjellore të jetës, nga 15 deri në 49 vjeç.
Një koeficient nën 1 përfaqëson një normë jashtëzakonisht të ulët, nga 1 në 1.5 një normë të ulët, nga 1.5 në 1.9 një normë të pamjaftueshme, nga 1.9 në 2.1 një normë afër asaj që është e mjaftueshme për zëvendësimin brezor, dhe mbi 2.1 një normë që është e mjaftueshme për zëvendësimin brezor.
Shifrat janë shkatërruese për shumicën e vendeve evropiane. Shumica dërrmuese e vendeve evropiane kanë norma të ulëta të fertilitetit. Franca, Sllovenia, Kroacia, Bosnja dhe Hercegovina, Serbia, Mali i Zi, Bullgaria dhe Moldavia po performojnë më mirë se mesatarja, domethënë, ato bien në kategorinë e vendeve me norma të pamjaftueshme fertiliteti.
Kosova bie në sy në hartë me ngjyrë të gjelbër, me një shkallë fertiliteti prej 1.9.
Mask është babai i të paktën 14 fëmijëve, njëri prej të cilëve vdiq kur ishte foshnjë.