Shtetet e Bashkuara të Amerikës fillojnë goditjen e parë me sanksione për Serbinë. Pas gjashtë vonesave në futjen e sanksioneve të SHBA-së kundër Industrisë së Naftës së Serbisë (NIS), në të cilën Gazpromneft, një degë e Gazprom, ka pjesëmarrjen më të madhe, duket se ka ardhur koha që ato të hyjnë në fuqi.
Shtetet e Bashkuara kanë rënë dakord të zgjasin moszbatimin e tyre vetëm me katër ditë, pasi afati skadoi më 26 shtator dhe do të hyjë në fuqi më 1 tetor, tha Presidenti serb Aleksandar Vuçiç për mediat në New York, siç raportohet nga Beta, transmeton BBC.”Ky nuk është një lajm i mirë, por pritet. Ne jemi dëm kolateral në marrëdhëniet midis amerikanëve dhe rusëve, Perëndimit dhe rusëve, por do të paguajmë një çmim të lartë. Ne ishim jashtëzakonisht të drejtë si me partnerët tanë rusë ashtu edhe me ata amerikanë, por do të paguajmë një çmim shumë të lartë”, tha Vuçiç.
Ai shtoi se për shkak të futjes së afërt të sanksioneve të SHBA-së ndaj kompanisë NIS, “absolutisht gjithçka po bëhet më e ndërlikuar për Serbinë dhe po krijon probleme politike, ekonomike dhe çdo problem tjetër”.
Ndërkohë, struktura e pronësisë së NIS-it është ndryshuar disa herë. Kompania ruse Gazprom është larguar nga pronësia e NIS-it në shtator, dhe një nga pronarët e rëndësishëm u bë një tjetër kompani e menaxhuar nga Gazpromo, kompania Intelidzhens nga Shën Petersburgu.
Shoqëria aksionare Intelidzhens u bë pronare e 11.3% të aksioneve të kompanisë, sipas të dhënave të publikuara në faqen e Bursës së Beogradit më 21 shtator.
Pjesa më e madhe e pronësisë së NIS-it vazhdon të mbahet nga Gazprom Neft, filial i Gazpromit (44.9%), ndërsa shteti i Serbisë ka 29.9%. Pjesa tjetër i takon aksionarëve të vegjël.
Në janar, Vuçiq e hodhi poshtë mundësinë e nacionalizimit të NIS-it, duke shtuar se Serbia “nuk do të marrë pjesë në konfiskimin e pronës ruse”.
Përfaqësuesit e NIS-it njoftuan në gusht se kompania kishte përfunduar gjysmën e parë të vitit me humbje prej 30 milionë eurosh, ndër të tjera për shkak të sanksioneve të SHBA-së, por edhe për shkak të rënies së çmimit të naftës në tregun botëror.
NIS është, gjithashtu, e vetmja kompani në Serbi që merret me kërkimin, prodhimin dhe përpunimin e naftës dhe prodhimin e gazit natyror. Deri në vitin 2008 ishte kryesisht në pronësi të shtetit, kur Serbia shiti 51% të aksioneve të NIS-it te Gazprom Neft për 400 milionë euro.