Edicioni i 24-të i festivalit “Teatri Shqiptar në Maqedoni” do të mbahet në Qendrën Kulturore Dibër nga 23 deri më 30 shtator.
Në këtë manifestim, i cili mbahet rregullisht në Dibër, siç informoi për MIA-n drejtori i festivalit Ylber Nuredini, para publikut do të performojnë teatro nga Shkupi, Kumanova, Tetova, Gostivari, Tirana, Presheva dhe Prishtina.
“Festivalin do ta hapin anëtarët e dramës shqipe në Qendrën Kulturore “Trajko Prokopiev” nga Kumanova, me shfaqjen “Vjedhja e Diamantit” në regji të Qazmedin Nuredini. Në mbrëmjen e fundit, Teatri Kombëtar i Kosovës – Prishtina do të performojë para publikut dibran me “ART” në regji të Bashkim Ramadanit. Menjëherë pas kësaj, është planifikuar një koncert “Vals dhe Polka nga Strauss” – Kuartet i udhëhequr nga Plamenka Trajkovska, pas të cilit do të shpërblehen më të mirët”, tha Nuredini.
Festivali mbështetet nga Ministria e Kulturës, si dhe nga trupa nga qyteti.
“Mirënjohje e madhe për Ministrinë e Kulturës së Maqedonisë, e cila këtë vit na ndau 1.5 milion denarë, që është dyfishi i shumës nga viti i kaluar. Nga komuna e Dibrës presim mbështetje prej 600 mijë denarësh. Sigurisht, mirënjohje edhe për donatorët e tjerë”, theksoi ai.
Dhe me këtë rast, thekson Nuredini, dua të përsëris kërkesën për institucionalizimin e festivalit, të cilën e kemi bërë prej vitesh, dhe shton se pret që më në fund të realizohet./GazetaFAKTI
