Të shtëna me armë zjarri janë regjistruar mesditën e së dielës në Tetovë. Nga të shtënat, ka mbetur i vrarë një person dhe tre të tjerë janë plagosur. Sipas policisë së Tetovës, ka pasur një shkëmbim zjarri mes dy automjeteve.
“Me date 10.08, ne SPB Tetovë, në ora 12:30, është raportuar se në kryqëzimin e rrugës “Ilinden” me rrugën “Bllagoja Toska” në Tetovë, ka ndodhur një shkëmbim zjarri mes personave nga dy automjete, për pasojë ka ndodhur edhe një aksident trafiku, pas së cilës të dyja automjetet e kanë lëshuar vendin e ngjarjes, njëri prej tyre është drejtuar drejt rrugës “113”, ndërsa tjetri në drejtim të panjohur”, thuhet ndër të tjera në njoftim.
Gjatë hetimit është zbuluar se targat ishin çregjistruar nga i njëjti automjet, në pronësi të E.M. (19) nga fshati Gajre, Tetovë. Në kryqëzimin e rrugëve Blagoja Toska dhe 107 ndodhej një automjet pasagjerësh Volkswagen Golf me targa të Tetovës, në pronësi të F.R. (46) nga Tetova, ndërsa brenda automjetit u gjet një person i vdekur me plagë nga arma e zjarrit. Për incidentin u formua një ekip i udhëhequr nga prokurori publik në detyrë në Prokurorinë Publike në Tetovë dhe një ekip hetimor nga SPB Tetovë.
Hetimi ende nuk ka përfunduar.
Gjithashtu, tre persona me lëndime u transferuan në Spitalin Klinik – Tetovë, njëri prej të cilëve ishte një vajzë e mitur nga Tetova me plagë nga arma e zjarrit, e cila po mbahet nën vëzhgim. Ndërsa dy personat e tjerë, O.O. (34) dhe R.T. me plagë nga arma e zjarrit, u transferuan në Kompleksin e Klinikave “Nëna Terezë” në Shkup si rast urgjent. Në shkëmbimin e zjarrit midis automjeteve, një këmbësor, A.S (60) nga tetova mbeti lënduar , i cili ishte kalimtar dhe u transferua në klinikat në Shkup.
VIDEO:
https://www.instagram.com/p/DNLCvLoACf5/?utm_source=ig_embed&utm_campaign=embed_video_watch_again